03.04.2026 | 15:19
«Չելսին» առանցքային ֆուտբոլիստին 2 խաղով հեռացրել է՝ «Ռեալի» մասին հայտարարությունից հետո
Օպերային հարակից տարածքի սրճարանների ապամոնտաժման աշխատանքներն այսօր ավարտվեցին․ դրանք կշարունակվեն նաև վաղը՝ ավելի մեծ ուժերով․ Վիկտոր Մնացականյան
Հասարակություն
14.03.2019 | 19:00
Օպերային հարակից տարածքի սրճարանների ապամոնտաժման աշխատանքներն այսօր ավարտվեցին: Երևանի Կենտրոն համայնքի ղեկավար Վիկտոր Մնացականյանը լրագրողների հետ զրույցում ասաց՝ դրանք կշարունակեն վաղը, ավելի մեծ ուժերով:
«Մեզ համար շատ կարևոր են նաև այս ծառերը: Հատուկ տեխնիկա պետք է բերենք, այս ծառերն ազատագրենք, նոր մնացածը շարունակենք»,- ասաց նա:
Ապամոնտաժման աշխատանքներից հետո պետք է մասնատեն ու տեղափոխեն կառույցները, քանդեն բետոնապատ հատվածները և կարգի բերեն զբոսայգին:
Ընդհանուր առմամբ, ըստ Վիկտոր Մնացականյանի, շուրջ 10 օրվա աշխատանք կա: «Հոսանքի կոմունիկացիաների խնդիր կա, որոշ դեպքերում կարող է մի քիչ ավելանա ժամանակը»,- ասաց համայնքի ղեկավարը` հավելելով.
«Մենք անում ենք լավ բան, մենք անում ենք օրինական բան և, ամենակարևորը, պատմական արդարությունը վերականգնում ենք՝ վերջապես Երևանին ենք վերադարձնում իր դիմանկարը»։
