16.12.2025 | 16:57
Վարչապետի գլխավորությամբ քննարկվել է հանրային կառավարման բարեփոխումների ընթացքը
Տարածաշրջանի հակամարտությունները չպետք է տեղափոխվեն Վրաստանի տարածք. Սալոմե Զուրաբիշվիլի. ՏԵՍԱՆՅՈՒԹ
Քաղաքականություն
13.03.2019 | 16:52
Մենք ոչ միայն հարևան, այլև բարեկամ երկրներ ենք, ապրում ենք մի տարածաշրջանում, որի համար վճռական են կայունությունը և խաղաղությունը:
Մարտի 13-ին Երևանում ՀՀ նախագահ Արմեն Սարգսյանի հետ հանդիպումից հետո լրագրողների հետ ճեպազրույցում այս մասին ասաց Վրաստանի նախագահ Սալոմե Զուրաբիշվիլին: Նրա խոսքով՝ մեր տարածաշրջանում շատ մարտահրավերներ կան և անհրաժեշտ է, որպեսզի առկա հակամարտությունները լուծվեն խաղաղ ճանապարհով:
«Այդ հակամարտությունները դանդաղեցնում են մեր առաջընթացն ու զարգացումը: Դա պետք է լինի բանակցությունների և երկխոսության միջոցով, սա մեր խորը համոզմունքն է»,- հավելեց Վրաստանի նախագահը:
Զուրաբիշվիլին հայտարարեց նաև, որ Վրաստանի համար կարևոր է, որպեսզի տարածաշրջանում գոյություն ունեցող հակամարտությունները չտեղափոխվեն Վրաստանի տարածք. «Մեզ համար անչափ կարևոր է, որ այն մարդիկ, ովքեր ապրում են Վրաստանում՝ հայկական ծագմամբ Վրաստանի քաղաքացիները կամ ադրբեջանցիները, որոնք Վրաստանի քաղաքացիներ են, խաղաղ ապրեն մեր երկրում և մեր երկրի քաղաքականության, տնտեսության և մշակույթի մեջ ինտեգրված լինեն»:
Մանրամասները՝ տեսանյութում:
