16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Սլովակիայի զենքի՝ Ադրբեջանում հայտնվելու խնդիրը հայկական կողմի հետ քննարկել ենք, հարցը փակ է․ Լայչակ. ՏԵՍԱՆՅՈՒԹ
Քաղաքականություն
13.03.2019 | 16:03
ԵԱՀԿ գործող նախագահ, Սլովակիայի ԱԳ նախարար Միրոսլավ Լայչակը մարտի 13-ին Երևանում լրագրողների հետ հանդիպմանը պարզաբանեց, թե ինչպե՞ս է իր երկրի արտադրության սպառազինությունն Ադրբեջանում հայտնվել:
«Մենք տեղեկացվել ենք իրավիճակի վերաբերյալ հայ դիվանագիտական առաքելության կողմից, էկոնոմիկայի նախարարության հետ միասին ուսումնասիրություն է իրականացվել անցյալ տարվա օգոստոսին: Ուսումնասիրության ընթացքում Սլովակիայի կողմից որևէ սխալ չի գտնվել: Սլովակիայի ու Իսրայելի միջև առանձին համաձայնագիր է եղել, առանձին փաստաթղթեր են եղել, որոնցում ամրագրված է եղել, որ վերջնական ստացողն Իսրայելն է»,- ասաց Միրոսլավ Լայչակը:
Նա հավելեց, որ մի քանի անգամ հարցը քննարկվել է հայկական կողմի, այդ թվում՝ ԱԳ նախարար Զոհրաբ Մնացականյանի հետ:
«Կարծում եմ՝ գործը փակ է։ Մենք ամեն ինչ մանրամասն բացատրել ենք միմյանց, հասկացել ենք միմյանց և, կարծում եմ, որ այս քննարկումը դադարել է և չի շարունակվելու, ինչպես նաև պայմանագիրը դադարեցված է», – ասաց Սլովակիայի ԱԳ նախարարը։
Մանրամասները՝ տեսանյութում:
