16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Առաջարկվում է պաշտոնյաների հայտարարագրերը ներկայացնելու ժամկետը երկարաձգել․ խնդիրներ են առաջացել․ ՏԵՍԱՆՅՈՒԹ
Քաղաքականություն
13.03.2019 | 13:37
Ազգային ժողովի մարտի 13-ի նիստում քննարկվում է «Հանրային ծառայության մասին» Հայաստանի Հանրապետության օրենքում փոփոխություններ կատարելու մասին օրենքի նախագիծն առաջին ընթերցմամբ ընդունելու հարցը։
Հարցի զեկուցող արդարադատության նախարարի տեղակալ Սուրեն Քրմոյանը նշեց, որ 2017 թվականին ԱԺ-ն ընդունել է օրենք կոռուպցիայի կանխարգելման հանձնաժողովի մասին, որով նախատեսվում էր 2018 թվականի ընթացքում ստեղծել նման հանձնաժողով, իսկ Հանրային ծառայության մասին օրենքով էլ այդ նորաստեղծ հանձնաժողովի հետ կապվեց պաշտոնյաների կողմից գույքի և եկամուտների հայտարարագրումը։
«Փաստացի ունենք իրավիճակ, որ հանձնաժողովը չի ստեղծվել, որով պայմանավորված էլ խնդիրներ են առաջացել պաշտոնյաների գույքի և եկամուտների հայտարարագրման հետ։ Փաստացի չկա այն մարմինը, որտեղ պետք է ներկայացվեն այդ հայտարարագրերը։ Ունենք մի իրավիճակ, որը բավականին վտանգավոր է հայտարարագրման գործընթացի անընդհատության ապահովման համար, միևնույն ժամանակ հնարավորություն չկա հայտարարագրերում հայտնաբերվող խախտումների դեպքում կիրառել պատասխանատվության միջոնցներ»,- ասաց Քրմոյանը։
Ըստ նախարարի տեղակալի՝ առաջարկվող օրենքի նախագծով նախատեսվում են այն դրույթները, որոնք պետք է ուժի մեջ մտնեին 2019 թվականի հունվարի 1-ից, բայց ուժի մեջ չեն մտել հանձնաժողովի չստեղծման պատճառով։ «Միևնույն ժամանակ հաշվի առնեկլով, որ հայտարարագրման ժամկետը սահմանված էր մինչև մարտի վերջ, առաջարկում ենք այն երկարաձգել և 2018 թվականի համար հայտարարգրերը ներկայացնել մինչև մայիսի 31-ը»,- նշեց փոխնախարարը։
Մանրամասները՝ տեսանյութում։
Աղավնի Սուքիասյան
