Սևանա լճի մակարդակն աստիճանաբար սկսել է բարձրանալ: Այս մասին հայտնում է Ecolur-ը:
Հաղորդվում է, որ 2019թ. սկզբին գրանցված ամենացածր 1900.37մ նիշի համեմատ լճի մակարդակը մարտի 6-ի դրությամբ բարձրացել է 4 սմ-ով, սակայն այն դեռևս 5 սմ-ով ցածր է դրա նախորդ տարվա ցուցիչից:
Աղբյուրի փոխանցմամբ՝ լճի բացասական հաշվեկշիռը պայմանավորված է Սևանա լճից հավելյալ ջրառով: Վերջին 10 տարիների ընթացում լճից 5 անգամ հավելյալ ջրառ է իրականացվել: Այս ամբողջ ընթացքում միայն մեկ տարի է լճի մակարդակը դրական ցուցանիշ ունեցել:
