09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՎԶԵԲ-ն իր պատրաստակամությունն է հայտնել աջակցելու Հայաստանում իրականացվող բարեփոխումներին
Տնտեսություն
07.03.2019 | 17:45
ՀՀ կենտրոնական բանկից տեղեկացնում են, որ ԿԲ նախագահ Արթուր Ջավադյանն ընդունել է Վերակառուցման և Զարգացման Եվրոպական Բանկի (ՎԶԵԲ) նախագահ Սումա Չակրաբարտիի գլխավորած պատվիրակությանը:
Ողջունելով հյուրերին՝ ԿԲ նախագահը նշել է, որ Կենտրոնական բանկը բացառիկ գործակցության պատմություն ունի Վերակառուցման և Զարգացման Եվրոպական Բանկի հետ, որը զարգացման առումով Հայաստանի լավագույն միջազգային ֆինանսական կառույց գործընկերներից է:
Արթուր Ջավադյանը բարձր է գնահատել ՎԶԵԲ ներդրումային գործունեությունը՝ ՓՄՁ թիրախային ֆինանսավորումից մինչև հայկական բանկերի բաժնետոմսերի ձեռքբերումը, ինչպես նաև ՎԶԵԲ կողմից 2014 և 2015 թթ. նախաձեռնած տեղական արժույթով բաժնետոմսերի թողարկումները, որի շարունակականությունը Հայաստանի կապիտալի շուկայի զարգացման հարցում կարևոր քայլերից մեկն է:
ԿԲ նախագահը, կարևորելով Հայաստանում ՎԶԵԲ ներդրումների ծավալը, հույս է հայտնել, որ ապագայում դրանք կաճեն ու կներգրավեն տնտեսության առավել բազմազան ոլորտները, իսկ եվրոպական կառույցի հետ գործակցությունը կշարունակվի նույն կառուցողական ոճով:
ՎԶԵԲ նախագահը նույնպես բարձր է գնահատել իր ղեկավարած կառույցի գործակցությունն ինչպես ՀՀ կառավարության, այնպես էլ ՀՀ ֆինանսական հատվածի հետ՝ առանձնահատուկ նշելով ԿԲ աջակցությունը Հայաստանում բանկի կողմից նախաձեռնած նախագծերում։ Նա հույս է հայտնել, որ իր այս այցը և հանդիպումները ՀՀ կառավարության և կենտրոնական բանկի հետ սկիզբ կդնեն համատեղ նոր ծրագրերի իրականացմանը։ Պարոն Չակրաբարտին նաև իր պատրաստակամությունն է հայտնել աջակցելու Հայաստանում իրականացվող բարեփոխումներին:
