18.12.2025 | 16:35
Կրեմլը՝ Թուրքիայի կողմից ռուսական C-400-ները վերադարձնելու մասին
ՀՀ առողջապահության նախարարությունը խորացնում է համագործակցությունը Ղազախստանի հետ
Քաղաքականություն
07.03.2019 | 10:53
Հայաստանի առողջապահության նախարարությունը խորացնում է համագործակցությունը Ղազախստանի Առողջապահության նախարարության հետ։
Կառավարության մարտի 7-ի նիստի օրակարգում ընդրգրկված չզեկուցվող հարցերից էր նաև «Հայաստանի Հանրապետության առողջապահության նախարարության և Ղազախստանի Հանրապետության առողջապահության նախարարության միջև` առողջապահության բնագավառում համագործակցության մասին» համաձայնագիրը հաստատելու մասին» որոշման նախագիծը, որն ուղարկվելու է ՀՀ նախագահին՝ ստորագրման։
Ըստ նախագծի հիմնավորման՝ Հայաստանի և Ղազախստանի առողջապահության նախարարությունները վերջին տարիներին հետաքրքրված են եղել համագործակցության սերտացման հարցում:
Երկու երկրների առողջապահության բնագավառի ներկայացուցիչները ակտիվորեն մասնակցել են միմյանց երկրներում կազմակերպվող առևրատնտեսական համագործակցության հարցերով հայ-ղազախական միջկառավարական հանձնաժողովի նիստերին, ինչպես նաև միջազգային գործընկերների կողմից կազմակերպվող մի շարք առողջապահական միջոցառումներին:
2013 թվականի հոկտեմբերի 24-ին Երևանում կայացած առևրատնտեսական համագործակցության հարցերով հայ-ղազախական միջկառավարական հանձնաժողովի հինգերորդ նիստի արձանագրության 2-րդ կետով նախատեսվում էր ընդլայնել հայ-ղազախական հարաբերությունների իրավապայմանագրային հիմքը: Արդյունքում կողմերը համատեղ մշակեցին և 2018 թվականի հոկտեմբերի 25-ին Աստանայում ստորագրեցին առողջապահության բնագավառում համագործակցության համաձայնագիր: Վերջինիս մեջ ընդգրկված են այն բոլոր ոլորտները, որոնցում համագործակցությունը հետաքրքրություն է ներկայացնում երկու կողմերի համար, մասնավորապես` շարունակական բժշկական կրթության, դեղերի որակի վերահսկման, առողջապահական ծառայությունների բարելավման, հիգիենիկ-հակահամաճարակային հսկողության և փոխադարձ հետաքրքրություն ներկայացնող մի շարք այլ ոլորներ:
Միաժամանակ, հաշվի առնելով այն հանգամանքը, որ Ղազախստանի Հանրապետությունը նույնպես հանդիսանում է Եվրասիական Տնտեսական Միության անդամ և նախատեսվում է ավելի սերտ փոխգործակցություն, ՀՀ առողջապահության նախարարությունը կարևորում է այդ պետության հետ առողջապահության ոլորտում միջգերատեսչական համաձայնագրի կնքումը: Այն իրավական հիմք կհանդիսանա երկու կողմերի միջև համագործակցության ծավալման և հետագա խորացման համար:
Աղավնի Սուքիասյան
