16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Առաջարկ է եղել փոխանակել Կարեն Ղազարյանին, բայց ՀՀ-ում նման կարգավիճակում գտնվող Ադրբեջանի քաղաքացիներ չկան․ Արտակ Զեյնալյան․ ՏԵՍԱՆՅՈՒԹ
Քաղաքականություն
06.03.2019 | 18:27
Ազգային ժողովի «Լուսավոր Հայաստան» կուսակցության պատգամավոր Սարգիս Ալեքսանյանն այսօր խորհրդարանում բարձրաձայնեց Ադրբեջանում 20 տարվա ազատազրկման դատապարտված Կարեն Ղազարյանի գործին և նշեց, որ եթե անհապաղ պետությունը քայլեր չձեռնարկի նրան հայրենիք վերադարձնելու համար, հնարավոր է այլևս նրան չկարողանանք օգնել։
Պատգամավորի հարցին ի պատասխան՝ արդարադատության նախարար Արտակ Զեյնալյանը նշեց, որ Կարեն Ղազարյանը ոչ թե գերեվարված է, այլ ձերբակալված, ինչը էականորեն բարդացնում է խնդիրը, քանի որ գործում են տարբեր իրավական ռեժիմներ։
Նախարար Զեյնալյանը նշեց, որ Կարեն Ղազարյանի ներկայացուցիչները գանգատ են ներկայացրել ՄԻԵԴ և ՀՀ-ն անպայման կծանուցվի և կներգրավվի որպես երրորդ կողմ։
«Դրանից բացի, ՀՀ-ն գործադրում է դիվանագիտական և հումանիտար բոլոր միջոցները, որպեսզի նրա կյանքի անվտանգությունն ապահովվի, ինչպես նաև նրան Հայաստան վերադարձնի։ Առաջարկ է եղել նաև փոխանակել Կարեն Ղազարյանին, բայց ՀՀ-ում նման կարգավիճակում գտնվող Ադրբեջանի քաղաքացիներ չկան։ Մենք գտնում ենք, որ Կարենը ապօրինաբար է գտնվում անազատության մեջ և այն ինչ վերագրվում է Կարենին, չի համապատասխանում իրականությանը»,- ասաց նախարարը։
Մանրամասները՝ տեսանյութում։
Աղավնի Սուքիասյան
