10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Ինձ վրա կրակողը Մարտիրոս Հակոբյանն է եղել. 02-լրատվականի օպերատոր
Հասարակություն
06.03.2019 | 12:52
Երևանի ընդհանուր իրավասության դատարանի Շենգավիթի նստավայրում դատավոր Մեսրոպ Մակյանի նախագահությամբ ընթանում է «Սասնա ծռեր» խմբի տասը անդամի գործով դատական նիստը:
Տուժողների հարցաքննության ընթացքում ցուցմունք տվեց նաև 02 լրատվականի օպերատոր Ռոբերտ Հայրապետյանը, որը ՊՊԾ գնդի գրավման օրերին ձեռքի շրջանում ձեռքի վիրավորում էր ստացել: Նա ասաց, որ իր վրա կրակողը եղել է Մարտիրոս Հակոբյանը. «Մկաններս էին վնասվել, չէի կարողանում ձեռքս շարժել»:
Ամբաստանյալ Արեգ Կյուրեղյանը հետաքրքրվեց, թե որքան հատվածն է կարողացել նկարահանել, որին ի պատասխան Հայրապետյանն ասաց, որ վայրկյաններ է տևել: Արեգ Կյուրեղյանն ասաց, որ տեսանյութը կրճատել են` գործը կոծկելու համար, քանի որ տեսանյութում պիտի երևար, որ առաջինը ոչ թե գնդի կողմից է հնչել կրակոցը, այլ «ԲԷ ՏԷ էՌ»-ի:
Ամբաստանյալները տուժողին հարցեր տվեցին, թե ինչպես կարող էր Մարտիրոս Հակոբյանը կրակել իր ուղղությամբ, եթե նա գտնվել է «ԲԷ ՏԷ ԷՌ»-ի հետևում, իսկ ինքը` առջևում: Տուժողը պատսխանեց. «Կարծում եմ` ինքն է եղել»: Պավել Մանուկյանը արձագանքեց. «Հա, այսինքն՝ ոչ թե վստահ ես, այլ կարծում ես, ասել են այդպես ասա, ասում ես»: Տուժողը նշեց, որ իրեն ոչ ոք ոչինչ չի ասել: Նա առարկեց, որպեսզի համաներումը խմբի անդամների նկատմամբ կիրառվի:
Լիլիթ Շաբոյան
