05.11.2024 | 13:29
Քննարկվել է «Մասդար»-ի նախագծում Հայաստանի կառավարությանը 15 % բաժնեմասի փոխանցումը
Կապալառուին հանձնարարվել է սեղմ ժամկետներում ապահովել Վանաձոր-Դիլիջան ճանապարհի անցանելիությունը
Տնտեսություն
06.03.2019 | 13:21
ՀՀ տրանսպորտի, կապի և տեղեկատվական տեխնոլոգիաների նախարարությունից տեղեկացնում են, որ ահազանգեր է ստացվել Վանաձոր-Դիլիջան ճանապարհի Ֆիոլետովո-Մարգահովիտ-Լերմոնտովո-Թեժ լեռ ճանապարհահատվածի վատ վիճակի վերաբերյալ։
Խնդիրը գտնվել է նախարարության ուշադրության կենտրոնում, և այդ ճանապարհահատվածն արդեն իսկ ընդգրկված է 2019թ. հիմնանորոգվող ճանապարհների ցանկում։ Վանաձոր-Դիլիջան (Մ-8) միջպետական ավտոճանապարհի 20կմ երկարությամբ հատվածում (Վանաձորի կողմից) այս տարի կիրականացվեն հիմնանորոգման աշխատանքներ, որում ընդգրկված է նաև Ֆիոլետովո-Մարգահովիտ-Լերմոնտովո-Թեժ լեռ ճանապարհահատվածը:
Չնայած սրան՝ տվյալ տարածաշրջանը սպասարկող կապալառուին հանձնարարվել է օպերատիվ կերպով անհրաժեշտ աշխատանքներ իրականացնել և մինչև հիմնանորոգման աշխատանքների մեկնարկը ճանապարհի անցանելիության ապահովման ժամանակավոր լուծում տալ։
