09.03.2026 | 09:30
ՀՀ տարածքում ավտոճանապարհները հիմնականում անցանելի են
Վազգեն Սարգսյանի ծննդյան հոբելյանական միջացառումը՝ փակ դռների հետևում
Հասարակություն
05.03.2019 | 18:50
Սպարապետ Վազգեն Սարգսյանի 60-ամյակին նվիրված միջոցառում է կազմակերպվել Մարզահամերգային համալիրում:
Այն, սակայն, բաց է միայն հրավիրատոմսեր ունեցողների համար:
Այս մասին մեզ հետ զրույցում ասաց ՊՆ խոսնակ Արծրուն Հովհաննիսյանը:
Լրագրողներին լուսաբանման հնարավորություն չի տրվել: Արծրուն Հավհաննիսյանը մեզ հետ զրույցում սա հիմնավորեց, թե՝ բոլոր միջոցառումներն այսօր բաց են եղել լուսաբանման համար:
Նշենք, որ միջոցառմանը հրավիրված են պետական բարձրաստիճան պաշտոնյաներ, պատգամավորներ: Միջոցառման կազմակերպիչը Պաշտպանության նախարարությունն է:
Վազգեն Սարգսյանի ծննդյան 60-ամյակը հանդիսավորությամբ նշելու նպատակով, հիշեցնենք, կառավարության պահուստային ֆոնդից պաշտպանության նախարարությանը հատկացվելու է մոտ 13 միլիոն դրամ: Ստեղծվել էր հոբելյանական հանձնաժողով՝ Նիկոլ Փաշինյանի նախագահությամբ։
Նարեկ Կիրակոսյան
