14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
«Լեռնային կիրճեր ու անծայրածիր հարթավայրեր, հինավուրց վանքեր, հիանալի խոհանոց ու լեգենդար հյուրասիրություն․ սա Հայաստանն է». National Geographic-ի անդրադարձը
Մշակույթ
04.03.2019 | 19:13
Հայաստանը կարելի է բացարձակապես տարբեր և նոր կողմերից տեսնել․ գրում է National Geographic-ի ռուսական տարբերակը։ Հայաստանին և նրա գեղատեսիլ վայրերին նվիրված հոդվածում մասնավորապես նշվում է․
«Լեռնոտ կիրճեր և անծայրածիր հարթավայրեր, հին վանքեր, ջինջ լճեր, հիանալի խոհանոց և լեգենդար հյուրասիրություն․ սա Հայաստանն է, որը հենց առաջին հայացքից գրավում է զբոսաշրջիկների սիրտը։
Բիբլիական Արարատը լավ երևում է նաև Երևանի կենտրոնից։ Այնուամենայնիվ, լավագույն բնապատկերը տեսնելու համար արժե քաղաքից դուրս գնալ։ Թուրքիայի հետ սահմանին վեր է խոյանում շքեղ և անառիկ Խոր Վիրապ վանքը։ Իսկ Սյունիքի մարզի սրտում՝ ամպերի մեջ, թաքնված է ևս մեկ գեղատեսիլ ճարտարապետական հուշարձան՝ Տաթևի վանական համալիրը, որը երկրի հոգևոր կենտրոններից մեկն է։
Հայաստանը միայն հյուրերի առջև բացվող հիասքանչ բնապատկերներն ու վարդագույն տուֆի երանգներով ճարտարապետությունը չէ։ Հայաստանի արտացոլանքը նաև մարդկանց մեջ է․ հյուրընկալ, անկեղծ, միշտ պատրաստ կիսվելու իրենց և իրենց նախնիների կյանքի պատմությամբ։
Կարևոր չէ՝ այս հնագույն երկիր կայցելեք հանգստյան օրերին, թե մի ամբողջ երկու շաբաթ կտրամադրեք, Հայաստանն ընդմիշտ Ձեր սրտում կմնա»։
Նելլի Մելքոնյան
