03.04.2026 | 15:03
Թրմամիջոցներ տեղադրող երիտասարդը փախուստի դիմելիս ընկել է ջրատարը. ոստիկանները նախ փրկել են նրան, ապա ձերբակալել
Ինչու վաղաժամ դադարեցվեց Թրամփ-Կիմ Չեն Ըն հանդիպումն ու որևէ համաձայնագիր չստորագրվեց
Քաղաքականություն
03.03.2019 | 15:03
ԱՄՆ նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ընի գագաթնաժողովի վաղաժամ ավարտի պատճառը Թրամփի՝ ուրանի հարստացման գաղտնի ձեռնարկությունը փակելու պահանջն է եղել, գրում է The Sunday Times-ը:
Երբ ամերիկյան կողմը պահանջել է չեզոքացնել գործարանը, իսկ Կիմ Չեն Ընի մերժել է, Թրամփը պահանջել է դադարեցնել բանակցություններն ու Վաշինգտոն է վերադարձել, իսկ Կիմ Չեն Ընը շարունակել է այցը Վիետնամ:
Հիշեցնենք, որ Թրամփ-Կիմ Չեն Ըն երկրորդ գագաթնաժողովը կայացել է փետրվարի 27-28-ը:
Բանակցություններն ընդհատվել են առանց որևէ համաձայնագրի ստորագրման: Հրավիրված մամուլի ասուլիսի ժամանակ ԱՄՆ նախագահ Դոնալդ Թամփը հայտարարել է, որ տարաձայնություններն առաջացել են պատժամիջոցների պատճառով. հյուսիսկորեական կողմը պահանջել է ամբողջովին չեղարկել երկրի նկատմամբ սահմանված պատժամիջոցները, իսկ ամերիկյան կողմը հրաժարվել է:
Հիշեցնենք, որ հյուսիսկորեացի առաջնորդը Թրամփի հետ հանդիպման էր մեկնել զրահապատ գնացքով, ճամփորդությունը մինչև Վիետնամ երկու օր էր տևել:
