14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Արտակ Զեյնալյանի հրամանով «Աբովյան» ՔԿՀ-ի պետը պարգևատրվել է «Պատվավոր քրեակատարողական ծառայող» կրծքանշանով
Հասարակություն
02.03.2019 | 19:42
Մարտի 1-ին ՀՀ ԱՆ քրեակատարողական ծառայությունում ծառայության պետ, արդարադատության գնդապետ Արտյոմ Մխոյանի գլխավորությամբ տեղի ունեցավ խորհրդակցություն, որին մասնակցում էին Ծառայության պետի տեղակալները, քրեակատարողական հիմնարկների պետերը, ծառայության կենտրոնական մարմնի ստորաբաժանումների պետերը:
Այս մասին հայտնում են ՀՀ ԱՆ քրեակատարողական ծառայության հանրային կապերի բաժնից:
Մինչ աշխատանքային խորհրդակցության մեկնարկը ՀՀ արդարադատության նախարար Արտակ Զեյնալյանի հրամանով, Քրեակատարողական ծառայության պետ Ա. Մխոյանի միջնորդությամբ ՀՀ ԱՆ «Աբովյան» քրեակատարողական հիմնարկի պետ, արդարադատության գնդապետ Գայանե Վարդանյանը երկարամյա ծառայության, ծառայողական պարտականությունները և առաջադրանքները պատշաճ կատարելու համար պարգևատրվեց «Պատվավոր քրեակատարողական ծառայող» կրծքանշանով։ Վերջինս 2019թ. մարտի 1-ին նախարարի հրամանով սահմանային տարիքը լրանալու կապակցությամբ ազատվեց քրեակատարողական ծառայությունից: Ծառայության պետը Գ. Վարդանյանին հայտնեց իր խորին շնորհակությունը անձնվեր և անբասիր ծառայության համար:
Սկսելով խորհրդակցությունը՝ Ա. Մխոյանը նախ հակիրճ անդրադարձավ ներկայումս կենտրոնական մարմնի կողմից քրեակատարողական հիմնարկներում իրականացվող ուսումնասիրություններին և մեթոդական օգնության տրամադրմանը:
Այնուհետև Ա. Մխոյանը քրեակատարողական հիմնարկների պետերի ուշադրությունը հրավիրեց մասնագիտական դասընթացների անցկացման, փաստաթղթավորման պատշաճ կատարման, քրեական ենթամշակույթի, ինչպես նաև արգելված իրերի ներթափանցման դեմ պայքարի վրա՝ հանձնարարելով հիմնարկների պետերին ձեռնարկել առավել գործուն միջոցներ՝ նպաստելու արգելված իրերի հայտնաբերմանը մինչ ազատազրկված անձանց բնակության համար նախատեսված տարածք մտնելը:
Արտյոմ Մխոյանն անդրադարձավ նաև ծառայողական կարգապահության ամրապնդման և համազգեստի կրման կարգի պահպանման հարցերին:
Ամփոփելով խորհրդակցությունը՝ Ծառայության պետն ընդգծեց, որ խիստ հետևողական է լինելու արձանագրված թերությունները շտկելու ուղղությամբ տրված հանձնարարականների կատարմանը:
