18.05.2026 | 23:01
Մարդը, ով ասում էր՝ մեր երկրում կա 3 մլն վարչապետ, կորցրել է ինքնատիրապետումը. Սամվել Կարապետյանը՝ Փաշինյանի մասին. ՏԵՍԱՆՅՈՒԹ
Մարտի 1-ի հետ կապված որևէ մեկի համար մութ բան չկա մնացած․ Ալեն Սիմոնյան. ՏԵՍԱՆՅՈՒԹ
Քաղաքականություն
01.03.2019 | 18:32
Մարտի 1-ին զոհվածների և տուժածների ընտանիքներին փոխհատուցում տրամադրելու մասին օրենսդրական նախաձեռնությունն արդեն կառավարություն է ուղարկվել։ Այս մասին Մարտի 1-ի արյունալի իրադարձությունների 11-րդ տարելիցին նվիրված երթին լրագրողների հետ զրույցում նշեց ԱԺ փոխնախագահ Ալեն Սիմոնյանը։
«Կստեղծվի համապատասխան հանձնաժողով, որը հատուցում կտրամադրի»,- նշեց ԱԺ փոխնախագահը։
Նրա խոսքով՝ փոխհատուցման չափը կորոշի կառավարությունը։ Այդուհանդերձ, նշեց, որ դա հիմնականում քաղաքական բնույթ է կրելու․ իմաստը լինելու է այն, որ պետությունը պատասխանատու է։
Մարտի 1-ի զոհերին նվիրված հուշարձանի տեղադրման մասին խոսելիս, Ալեն Սիմոնյանը նշեց, որ դեռ տարբերակների քննարկման փուլում են։ Ինքն առաջարկում է հուշարձանը տեղադրել այնպիսի վայրում, որտեղ զոհ է եղել։
Հարցին, թե արդյոք Մարտի 1-ի գործն ամբողջությամբ բացահայտված է, Ալեն Սիմոնյանն ասաց, որ չկա մեկը, ով չգիտի Մարտի 1-ի կազմակերպիչներին։
«Մարտի 1-ի գործի հետ կաված որևէ մեկի մոտ մութ կետ չի մնացել։ Եթե ես ինձ կարողանայի թույլ տալ, կասեի, թե ըստ իս՝ ով է հիմնական մեղավորը»,- ընդգծեց ԱԺ փոխնախագահը։
Նելլի Մելքոնյան
