Քաղաքականություն
01.03.2019 | 17:40
ՀՀ սփյուռքի նախարարության կայքում հրապարակվել է նախարարության աշխատողներին 2018 թվականի դեկտեմբերին տրված պարգևավճարների չափը։
Ըստ նախարարության կայքում հրապարակված հաղորդագրության՝ հաշվի առնելով վերջին շրջանում պետական գերատեսչությունների կողմից տրված պարգևավճարների շուրջ առկա հանրային լայն հետաքրքրությունը, կարևորելով հանրության տեղեկացված լինելու իրավունքն ու թափանցիկ գործելաոճը՝ ներկայացնում են սփյուռքի նախարարության՝ 2018 թվականի տարեվերջյան պարգևավճարների ամբողջական ցանկը։
Ըստ ցանկի՝ նախարար Մխիթար Հայրապետյանը ստացել է 755.280 հազար դրամ, նախարարության Գլխավոր քարտուղար Երեմ Սիմոնյանը ստացել է 900 հազար դրամ, իսկ ահա նախարարի տեղակալներից Դավիթ Սարգսյանը 993 հազար դրամ պարգևավճար։ ։
