19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
Վրդովված ենք Բաքվում անցկացված հակահայկական երթին ՌԴ խորհրդարանականների մասնակցության առիթով. ՀՀ դեսպան
Քաղաքականություն
27.02.2019 | 17:45
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Մենք վրդովված ենք ռուսաստանցի խորհրդարանականների մասնակցության առիթով Բաքվում անցկացված երթին, որն ակնհայտորեն հակահայկական բնույթ է կրում և օգտագործվում է տարածաշրջանում վստահության մթնոլորտը խաթարելու նպատակով: «Эхо Москвы»-ին այս մասին ասել է ՌԴ-ում Հայաստանի դեսպան Վարդան Տողանյանը:
«Մեզ համար անհասկանալի է խորհրդարանականների շարժառիթը, ինչի՞ն են Բաքվում համերաշխություն հայտնում և ի՞նչ «առաքելությամբ» են մասնակցում նման ակցիաներին, որոնք առանձին պետության իշխանությունների քարոզչական արշավի մաս են կազմում: Ինչպես նախկինում, այսօր էլ մենք նպատակաուղղված ենք բարեկամության կամուրջների, անկեղծ և դաշնակցային հարաբերությունների կառուցմանը, և հույս ունենք, որ մեր ռուսաստանցի գործընկերները համապատասխան գնահատական կտան խորհրդարանականների մասնակցությանը լավ կազմակերպված հայահայկական շարժմանը»,- մասնավորապես ասել է դեսպան Տողանյանը:
Նշենք, որ փետրվարի 26-ին Բաքվում, այսպես կոչված «Խոջալուի իրդարձություններին» նվիրված երթ է անցկացվել, որին մասնակցել են ռուսաստանցի պատգամավորներ Օքսանա Պուշկինան, Դմիտրի Սավելևը և Իրինա Ռոդնինան: Վերջինը հայ-ռուսական միջխորհրդարանական հանձնաժողովի անդամ է:
Հավելենք, որ այդ մասին ՌԴ Դաշնային ժողովում այսօր ունեցած ելույթում խոսել է նաև ՀՀ Ազգային ժողովի նախագահ Արարատ Միրզոյանը:
