14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ստավրոպոլում ՃՏՊ-ի հետևանքով ՀՀ քաղաքացիներ են տուժել
27.02.2019 | 16:39
ՌԴ Ստավրոպոլի երկրամասում տրանսպորտային պատահարի հետևանքով Հայաստանի քաղաքացիներ են տուժել: Mercedes-Benz Vito մակնիշի միկրոավտոբուսը «Կովկաս» դաշնային ավտոճանապարհին շրջվել է՝ հայտնվելով ճանապարհամերձ առվի մեջ: ՏԱՍՍ-ի փոխանցմամբ՝ այս մասին հայտնել են ՌԴ ԱԻՆ մամուլի ծառայությունից:
«Հայաստանից անհատ անձի պատկանող միկրոավտոբուսը շրջվել է: Տրանսպորտային միջոցում վեց մարդ եղել, այդ թվում՝ վարորդը: Բոլորը՝ երեք տղամարդ և երեք կին, տուժել են»,- ասված է հաղորդագրությունում:
Տեղի իրավապահների տեղեկացմամբ՝ վարորդը կորցրել է մեքենայի կառավարումը, ինչն էլ վթարի պատճառ է դարձել:
Պետավտոտեսչությունից էլ հայտնել են, որ միկրոավտոբուսի վարորդը մասնավոր ուղևորափոխադրում է իրականացրել Հայաստանից ռուսական Դոնի Ռոստով: Ոստիկանները դեպքի վայրում ստուգումներ են իրականացնում:
