29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
Հայ-ադրբեջանական սահմանը հատած Կարեն Ղազարյանն Ադրբեջանում դատապարտվեց 20 տարվա ազատազրկման
Հասարակություն
27.02.2019 | 15:25
ՀՀ քաղաքացի Կարեն Ղազարյանին ադրբեջանական ծանր հանցագործությունների դատարանը 20 տարվա ազատազրկման է դատապարտել: Այս մասին տեղեկացնում են ադրբեջանական լրատվամիջոցները:
Նշենք, որ Տավուշի մարզի բնակիչ Ղազարյանին ադրբեջանական կողմը դիվերսանտ է որակում: Նրան մեղադրում են Ադրբեջանում ահաբեկչության փորձի համար: Դատարանի որոշմամբ՝ Կարեն Ղազարյանը պատիժը պետք է կրի խիստ ռեժիմի հաստատությունում:
Հիշեցնենք, որ Տավուշի մարզի սահմանամերձ Բերդավան գյուղի բնակիչ Կարեն Ղազարյանին ադրբեջանական սահմանապահները ձերբակալել են անցյալ տարվա հուլիսի կեսերին: «Հայ դիվերսանտի» ձերբակալելու մասին Բաքվի հայտարարությանն ի պատասխան՝ հայկական կողմը նշեց, որ Կարեն Ղազարյանը որևէ առնչություն չունի զինվորական ծառայության հետ:
