14.11.2024 | 20:09
Թուրքիան և Մեծ Բրիտանիան ռազմական համագործակցության հարցեր են քննարկել
Հասան Ռոհանին չի ընդունել Իրանի ԱԳ նախարարի հրաժարականը
Քաղաքականություն
27.02.2019 | 13:34
Իրանի նախագահ Հասան Ռոհանին չի ընդունել երկրի ԱԳ նախարար Մոհամմադ Ջավադ Զարիֆի հրաժարականը: Այս մասին գրում է ՏԱՍՍ-ը՝ վկայակոչելով IRNA գործակալությունը:
«Ես շատ լավ տեղյակ եմ ճնշումների մասին, որ գործադրվում են դիվանագիտական ապարատի, կառավարության և նույնիսկ նախագահի նկատմամբ: Քանի որ Դուք (Զարիֆը) ԱՄՆ-ի ճնշմանը դիմակայության պայքարի առաջամարտիկներից եք եղել, կարծում եմ, որ Ձեր հրաժարականը հակասում է երկրի շահերին և չեմ ընդունում այն»,- ասել է Ռոհանին:
Հասան Ռոհանին նաև նշել է, որ Իրանի ղեկավարությունը, այդ թվում՝ հոգևոր առաջնորդ Ալի Խամենեին վստահում են Մոհամմադ Զարիֆին:
Նշենք, որ 2013 թվականի Իրանի ԱԳՆ-ն ղեկավարող Մոհամմադ Զարիֆը պաշտոնից հրաժարվելու մասին գրել էր Instagram-ում: Ավելի ուշ նա նշել էր, որ կուսակցական և խմբակցային պայքարը «մահացու թույն» կդառնա Իրանի արտաքին քաղաքականության համար: Նրա խոսքով՝ արտաքին քաղաքականությունը պետք է հիմնված լինի վստահության վրա, ինչը ներքին կոնսենսուս է պահանջում:
