16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
«Իմ քայլը» քաղաքական հայտարարություն է տարածելու. մյուս խմբակցություններին առաջարկելու են մասնակցել մարտի 1-ի երթին
26.02.2019 | 23:33
Ազգային ժողովի «Իմ քայլը» խմբակցությունը քննարկում է քաղաքական հայտարարություն տարածելու հարցը, որով խորհրդարանական ԲՀԿ ու ԼՀԿ խմբակցություններին հորդորելու են միանալ մարտի 1-ի երթին: Այս մասին փոխանցում են Factor.am-ի աղբյուրները:
Տեղեկությունը փորձեցինք ճշտել «Իմ քայլը» խմբակցության պատգամավորներից: Սակայն նրանցից մի քանիսը ոչ հերքեցին, ոչ էլ հաստատեցին տեղեկությունը: Գևորգ Պապոյանն էլ Factor.am-ի հարցին, թե մյուս խմբակցություններին երթին մասնակցելու կոչով դիմելո՞ւ են, պատասխանեց. «Եկեք բավարարվենք այն տեղեկատվությամբ, որը հրապարակվել է»:
Այն, որ «Իմ քայլը» պատրաստվում է հայտարարություն տարածել, լրագրողների հետ զրույցում խմբակցության նիստից հետո այսօր հայտարարեց նաև խմբակցության քարտուղար Հակոբ Սիմիդյանը: Նա միաժամանակ ասաց, որ ստեղծվել է աշխատանքային խումբ, որը համակարգում է պատգամավոր Վահագն Հովակիմյանը:
Նարեկ Կիրակոսյան
