16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Ավետ Ադոնցն ընդունել է ՀՀ-ում Պորտուգալիայի դեսպանին՝ հավատարմագրերի պատճենի հանձնման կապակցությամբ
Քաղաքականություն
26.02.2019 | 22:02
ՀՀ ԱԳՆ-ից տեղեկացնում են, որ նախարարի տեղակալ Ավետ Ադոնցն ընդունել է ՀՀ-ում (նստավայրը` Մոսկվա) Պորտուգալիայի դեսպան Պաուլու Վիզեու Պինեյրուին (Paulo Vizeu Pinheiro)՝ հավատարմագրերի պատճենի հանձնման կապակցությամբ:
«Շնորհավորելով դեսպան Պինեյրուին Հայաստանում դիվանագիտական առաքելությունը սկսելու կապակցությամբ՝ նախարարի տեղակալը հույս հայտնեց, որ դեսպանի գործունեությունը նոր խթան կհանդիսանա երկկողմ հարաբերությունների աշխուժացման համար։
Զրուցակիցներն անդրադարձան քաղաքական երկխոսության ակտիվացմանը, ԱԳՆ-ների միջև համագործակցության խորացմանը, առևտրատնտեսական համագործակցության զարգացմանը, միջազգային կառույցներում, մշակութային և կրթական ոլորտներում համագործակցությանը, միջխորհրդարանական կապերի ընդլայնմանը և այլ երկկողմ հետաքրքրություն ներկայացնող հարցերի։
ԱԳ նախարարի տեղակալը ներկայացրեց ՀՀ-ԵՄ հարաբերությունների զարգացումը՝ հատկապես ՀԸԳՀ ճանապարհային քարտեզի կիրարկմանը վերաբերող հարցերը։ Դեսպանի խնդրանքով Ավետ Ադոնցը խոսեց տարածաշրջանային զարգացումների և ԼՂ կարգավորման գործընթացի մասին»,- ասված է հաղորդագրությունում:
