15.12.2025 | 15:31
Արարատի մարզի որոշ շրջաններում 24 ժամ ջուր չի լինի
«Մարտի 1»-ի հարցը պետք է լուծել իրավական հարթակում, իսկ իրականացվող երթը քաղաքական ակցիա է․ կարծիքներ մարտիմեկյան երթի և հասարակության սպասելիքների մասին․ ՏԵՍԱՆՅՈՒԹ
Քաղաքականություն
26.02.2019 | 17:28
Գերագույն խորհրդի նախկին պատգամավոր Ազատ Արշակյանի համոզմամբ՝ մարտի 1-ը պետք է համարել Հայաստանում ժողովրդավարության հաղթանակի օր, օրվա առաջին կեսին պետք է «Մարտի 1»-ի զոհերի հիշատակը հարգելու ծես կատարել, իսկ արդեն օրվա երկրորդ կեսին պետք է իրականացնել տոնախմբություն այն բանի համար, որ Հայաստանում ժողովրդավարությունը հաղթել է։ Այս մասին այսօր հրավիրված մամուլի ասուլիսի ժամանակ, անդրադառնալով վարչապետ Նիկոլ Փաշինյանի այն հայտարարությանը, որ «Մարտի 1»-ը նշանավորելու են քաղաքացիական հզոր երթով՝ Ազատության հրապարակից դեպի Մյասնիկյանի արձան, ասաց Ազատ Արշակյանը։
Ասուլիսին ներկա քաղտեխնոլոգ Կարեն Քոչարյանն էլ նշեց, որ «Մարտի 1»-ի հարցը պետք է լուծել իրավական հարթակում, իսկ իրականացվող երթը քաղաքական ակցիա է։
Անդրադառնալով ներքաղաքական այլ զարգացումների՝ քաղտեխնոլոգը նշեց, որ Նիկոլ Փաշինյանն ու իր թիմը դարձել են իրենց իսկ խոստումների գերին, սակայն դա չի նշանակում, որ կարելի նոր իշխանության մաս կազմող որոշ պաշտոնյաների հնարավոր ձերբակալությունը համարել իշխանության ձախողման արդյունք։
«Այ, երբ գայիշնիկի 1000 դրամից վարչապետը կունենա փայ, այ էդ ժամանակ մենք կունենանք պրոբլեմ»,- ասաց քաղտեխնոլոգը։
Ասուլիսին մասնակից Վահան Բաբայանն էլ չհամաձայնելով Կարեն Քոչարյանի դիտարկման հետ, նշեց, որ խնդիրն այն է, որ ոչ թե Կառավարությունն է ունենալու պրոբլեմ մեկ-երկու նոր պաշտոնյաների ձերբակալություններից հետո, այլ հասարակությունը, ում սպասելիքները փոխվելու են, ինչը ազդելու է իշխանության վարկանիշի վրա։
Մանրամասները՝ տեսանյութում:
Աղավնի Սուքիասյան
