14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Ստամբուլահայ ակնագործ Սևան Բիչակչին թողարկել է ձեռակերտ ժամացույցների իր առաջին հավաքածուն. ԼՈՒՍԱՆԿԱՐՆԵՐ
Մշակույթ
26.02.2019 | 16:49
Հայկական արմատներով ոսկերիչ Սևան Բիչակչին, որն ապրում ու ստեղծագործում է Ստամբուլում, 85 կտորից բաղկացած ձեռակերտ ժամացույցների իր առաջին հավաքածուն է թողարկել․ այս մասին հայտնում է Forbes-ը։
Բիչակչին հայտնի է հայկական արմատներից ոգեշնչված, բյուզանդական ու օսմանական ոճի ինքնատիպ զարդերով, որոնցից յուրաքանչյուրը, ըստ Forbes-ի, արվեստի գործ է։
Ոսկերչի խոսքով՝ իրեն ոգեշնչել է 2007 թվականին այցելած ցուցադրություններից մեկը, որի ընթացքում 18 և 19-րդ դարերի օսմանական ժամացույցներ են ներկայացված եղել։
«Շատ հաճախ մեկ զարդի վրա օսմանացիները մի ամբողջ տարի են աշխատել։ Դա հենց այն էր, ինչ ես ուզում էի ստանալ։ Իմ ժամացույցների միջոցով մարդիկ կկարողանան ավելի լավ ընկալել օսմանական հարուստ մշակույթի արհեստները»,- ընդգծում է Բիչակչին։
Ձեռակերտ ժամացույցների ձևավորման համար ստամբուլահայ ոսկերիչն օգտագործել է ամենատարբեր նախշեր՝ մարգարտածաղկից մինչև ջրաշուշան և թռչուններ։
Ժամացույցները պատրաստված են պլատինից, դեղին և վարդագույն ոսկուց ու արծաթից։ Դրանք զարգարված են ադամանդներով և մարգարիտներով։
Ժամացույցների գինը սկսում է 180․000 դոլարից և հասնում մինչև 2 միլիոնի։ Հավաքածուի թողարկմանը զուգահեռ, լույս է տեսել նաև «Սևան Բիչակչի։ Ժամանակի պահապանը»՝ ստամբուալահայ ոսկերչի մասին պատմող երկրորդ գիրքը։
Նելլի Մելքոնյան
