19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Իմ ձերբակալության վերաբերյալ տարածված լուրը ապատեղեկատվություն է․ Դավիթ Ադյան
Հասարակություն
26.02.2019 | 13:31
ՀՀ պետական վերահսկողական ծառայության սոցիալական ոլորտի վերահսկողության վարչության պետ Դավիթ Ադյանը իր Ֆեյսբուքյան էջում հայտարարություն է տարածել, որտեղ ասվում է, որ իր ձերբակալման մասին լուրերը կեղծ են․ «Հայտարարում եմ, որ ներկա դրությամբ իմ ղեկավարած ստորաբաժանման հետ միասին ուսումնասիրություն եմ իրականացնում «Երևանի Մ․ Հերացու անվան բժշկական համալսարան» հիմնադրամում։ Իմ ձերբակալության վերաբերյալ տարածված լուրերն ապատեղեկատվություն են»։
Քիչ առաջ հայտարարություն էր տարածել նաև ՊՎԾ-ն, որտեղ նշվում էր, որ ՊՎԾ չորս աշխատակցիների ձերբակալման մասին տարածված տեղեկատվությունը խեղաթյուրված է։ ԱԱԾ-ից Factor.am-ին հայտնեցին, որ իրենք դեպքի առնչությամբ հայտարարությամբ հանդես կգան։
Հիշեցնենք, որ ավելի վաղ Analitik.am-ը գրել էր, որ գիշերը ՀՀ ԱԱԾ-ն ձերբակալել է ՀՀ Պետական վերահսկողական ծառայության 4 աշխատակցի՝ այդ թվում ՀՀ ՊՎԾ-ի երկու վարչությունների պետեր Ադյան եղբայրներին:
