30.05.2026 | 13:56
Նավթի գները նվազել են
Մադուրոն փակել է Բրազիլիայի հետ սահմանը՝ թույլ չտալով հումանիտար օգնություն բաժանել ժողովրդին
Քաղաքականություն
24.02.2019 | 15:02
Կոլումբիայի նախագահի վարչակազմի հաղորդմամբ՝ փետրվարի 23-ին Վենեսուելայի սահմանին տեղի ունեցած բախումների հետևանքով առնվազն 285 մարդ է տուժել. հաղորդում է РИА Новости-ն:
«Այսօրվա բախումների հետևանքով տուժել է 285 մարդ, կիրառված արցունքաբեր գազի պատճառով», – թվիթերի իր միկրոբլոգում գրել է Կոլումբիայի նախագահը:
Նշվում է, որ բախումները տեղի են ունեցել հումանիտար օգնություն բերած կամավորների ու վենեսուելացի իրավապահների միջև:
Փետրվարի 23-ին ընդդիմությունը փորձել է մարդասիրական օգնություն բերել Վենեսուելա, սակայն Նիկոլաս Մադուրոն կտրականապես չի ընդունել այն՝ հայտարարելով, որ ամբողջությամբ փակում է Բրազիլիայի հետ սահմանը:
Ընդդիմությունը, սակայն, ի հեճուկս իշխանությունների, հայտարարել է, որ կամավորների միջոցով այնուամենայնիվ կկարողանա բաժանել սննդամթերքն ու դեղորայքը բնակչությանը:
