Փետրվարի 22-ին՝ ժամը 15:25-ի,ն «911» ծառայությանն ահազանգ է ստացվել, որ Սյունիքի մարզի Կապան քաղաքի Բարաբաթում թաղամասի թիվ 12 հիմնական դպրոցի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «ՎԱԶ 2106» մակնիշի ավտոմեքենան (վարորդ՝ Լ. Գ., ծնված 1941 թ.) դուրս է եկել ավտոճանապարհի երթևեկելի հատվածից և արգելափակվել ջրահեռացման առվակի մեջ:
Մինչ փրկարարների՝ կանչի վայր հասնելը ուղևորները՝ Ս. Մ.-ն (1947 թ.), Ա. Մ.-ն (1972 թ.) և Լ. Գ.-ն (2001 թ.), հոսպիտալացվել են Կապանի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան և փակել գազի բալոնի փականը:
