08.12.2025 | 21:00
Վստահ եմ՝ 10-ից բացի մյուս եպիսկոպոսները ևս Կտրիճ Ներսիսյանի դեմ են, շուտով տեսանելի կլինի․ Վահագն Ալեքսանյան․ ՏԵՍԱՆՅՈՒԹ
«Արամ Սիմոնյանը Սերժ Սարգսյանից մի բոլ բողոքեց». Արայիկ Հարությունյանը մանրամասնում է` ինչու է ԵՊՀ ռեկտորին հորդորել հրաժարական տալ. ՏԵՍԱՆՅՈՒԹ
21.02.2019 | 14:03
«Կմասնակցի՞ ԵՊՀ ռեկտոր Արամ Սիմոնյանը ԵՊՀ 100-ամյակին նվիրված միջոցառումներին, թե՞ ոչ, համալսարանի որոշելիքն է»,- փետրվարի 21-ին, կառավարության նիստից հետո պատասխանելով լրագրողների հարցերին, ասաց ՀՀ կրթության և գիտության նախարար Արայիկ Հարությունյանը։
Վերջինս, հիշեցնենք, ասել էր, որ նախարարն իրեն հորդորել է հրաժարական տալ և ասել է, որ իր հետ աշխատել չի ցանկանում։ Արայիկ Հարությունյանը չհերքեց, որ նման հորդոր եղել է, բայց ասաց, որ դա երկարատև զրույցի արդյունքում է եղել, որն ավարտվել է «ձեռքսեղմամբ»:
Արամ Սիմոնյանն ասոցացվում է բազմաթիվ բացասական երևույթների հետ, որոնք գոյություն են ունեցել ԵՊՀ-ում և բարձրագույն կրթության ոլորտում, իր մտահոգությունը եղել է սրա շրջանակներում: «Արամ Սիմոնյանի հետ այդ զրույցը, որին հղում է անում, եղել է անցած շաբաթ: Իր խուճապը կապված է նրա հետ, որ երևի նախորդ օրը նրան հայտնի է դարձել, որ հաջորդ օրը քրեական գործ է հարուցվելու, և նա ակնհայտ սուտ է ասել, որ 100-ամյակը չի լինելու այն պատճառով, որ ինքն է ռեկտորը»,- պնդեց նախարարը։
Հարությունյանը մանրամասնեց, որ ռեկտորի հետ ունեցած երկար՝ մոտ 1.5 ժամ տևած խոսակցության ընթացքում Արամ Սիմոնյանն անդրադարձել է ՀՀ երրորդ նախագահ Սերժ Սարգսյանին․ «Մի բոլ էլ Սերժ Սարգսյանից էր բողոքում, ասում էր, որ ինքը բազմիցս պայքարել է, փորձել է իր գաղափարները անցկացնել, բայց մանրամասները չեմ ասի, քանի որ ունեմ բավարար պարկեշտություն ինքս այդ մանրամասնությունների մեջ չմտնելու համար»։
Մանրամասները՝ տեսանյութում։
Լիլիթ Շաբոյան
