30.05.2026 | 13:56
Նավթի գները նվազել են
Հայ-քրդական բռնությունների գործով դատին ընդառաջ՝ Թուրքիան փաստաբանական ընկերություն կվարձի
Քաղաքականություն
20.02.2019 | 12:29
Թուրքիան պատրաստվում է փաստաբանական ընկերություն վարձել՝ 2017 թվականին Վաշինգտոնում հայ և քուրդ ցուցարարների նկատմամբ տեղի ունեցած բռնության գործով դատավարությանը պատրաստվելու համար, հայտնում է al-monitor.com-ը։
Թուրքիայի և 2017-ի մայիսին բռնության ենթարկվածների միջև իրավական գործընթացը նոր թափ է ստացել. Անկարան գործում ներգրավել է ամերիկյան «Զալցման և Էվինչ» փաստաբանական ընկերությանը և դատարանից ժամանակ խնդրել՝ պաշտպանական կողմին նյութեր հավաքագրելու հնարավորություն տալու համար:
Աղբյուրի փոխանցմամբ՝ այս քայլը հակասում է Թուրքիայի՝ նախկինում արված ժխտողական հայտարարություններին այն մասին, թե խաղաղ ցուցարարներն ահաբեկիչներ են եղել, իսկ Էրդողանի անվտանգության աշխատակիցներն ինքնապաշտպանության են դիմել։
Կոլումբիայի դատարանը որոշում է կայացրել 55 օրով երկարաձգել դատարանի ծանուցումներին արձագանքելու վերջնաժամկետը։
Քուրդ ցուցարարների մեծամասնությունն ընդունել է դատարանի որոշումը։ Նրանք պահանջում են 310 մլն դոլար փոխհատուցում՝ ենթադրյալ բռնության, հարձակումների, նախագահի աշխատակազմի կողմից ահաբեկչության դիմաց:
Հիշեցնենք, որ 2017 թվականի մայիսին Էրդողանի՝ ԱՄՆ այցի դեմ Վաշինգտոնի կենտրոնում խաղաղ ցույց անցկացնող հայերն ու քրդերը Թուրքիայի նախագահի անվտանգության աշխատակիցների կողմից բռնության էին ենթարկվել: Հրապարակվել էր տեսանյութ, որտեղ երևում էր՝ ինչպես է մեքենայի մեջ նստած Էրդողանը հրահանգ տալիս իր անվտանգության աշխատակիցներից մեկին, ինչից հետո մյուսները հարձակվում են ցուցարարների վրա: Փետրվարի 15-ին ԱՄՆ Կոնգրեսն օրենսդրական ակտ է ընդունել, որով արգելել ր ամերիկյան արտադրության զենք վաճառել Էրդողանի անվտանգության աշխատակիցներին:
