13.08.2026 | 17:31
COP17-ի կազմակերպման համար Կառավարության պահուստային ֆոնդից հատկացվել է լրացուցիչ 2 640 797.5 հազար դրամ
Սեդրակ Քոչարյանը դատի կտա ԱԱԾ-ին
Հասարակություն
19.02.2019 | 18:20
Սեդրակ Քոչարյանը դատական հայց կներկայացնի Ազգային անվտանգության ծառայության դեմ՝ իր անմեղության կանխավարկածը խախտելու պատճառով։
Այս մասին Factor․am-ի հետ զրույցում ասաց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը։
«Մի քանի օր անց Սեդրակ Քոչարյանի փաստաբանները դատական հայցով կդիմեն դատարան և այդ կապակցությամբ հանդես կգան հայտարարությամբ»,- ասաց Սողոմոնյանը։
Հիշեցնենք, որ Հայաստանի Հանրապետության ազգային անվտանգության ծառայությունից տեղեկացրել են, որ ԱԱԾ-ն իր գործառույթների իրականացման շրջանակներում միջազգային իրավունքի և ներպետական օրենսդրության նորմերի հիման վրա հետևողական պայքար մղելով տնտեսական անվտանգության դեմ ուղղված հանցավորության հետ, Քննչական դեպարտամենտում քննվող քրեական գործի շրջանակներում իրականացված լայնածավալ քննչական գործողությունների և օպերատիվ-հետախուզական միջոցառումների արդյունքում բացահայտել է առանձնապես խոշոր չափերով հարկեր չվճարելու և հանցավոր ճանապարհով ձեռք բերված եկամուտներն օրինականացնելու հանցադեպեր, որոնց կազմակերպման հետ անմիջական առնչություն է ունեցել ՀՀ երկրորդ նախագահ Ռոբերտ Քոչարյանի որդին՝ Սեդրակ Քոչարյանը։
Նրան մեղադրանք է առաջադրվել խոշոր չափով հարկ չվճարելու ու հանցավոր ճանապարհով ստացված եկամուտներն օրինականացնելու համար:
Աղավնի Սուքիայան
