16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Գեղարվեստական մարմնամարզության «Գրան պրի» միջազգային մրցաշարում Հայաստանը ներկայացնող մարզուհին գրավել է 6-րդ տեղը
19.02.2019 | 16:59
ՀԱՕԿ լրատվական բաժնից տեղեկացնում են, որ Մոսկվայում անց է կացվել գեղարվեստական մարմնամարզության «Գրան պրի» միջազգային ավանդական մրցաշարը:
Հայաստանը ներկայացրին տարիքային երկու խմբի հինգ մարզուհիներ: Ավագների բազմամարտի պայքարում Յուլիա Վոդոպյանովան գրավեց վեցերորդ տեղը: Նրա թիմակից Յասմինա Աղագուլյանը ութերորդն էր գնդակով վարժությունում, իսկ Սիլվա Սարգսյանը բավարարվեց ավելի համեստ արդյունքով:
Երիտասարդներ Աբիգայլ Պողոսյանը և Անժելիկա Կարախանյանը առաջին անգամ մասնակցեցին արտագնա մրցումների, կարողացան լիովին դրսևորել իրենց ունակությունները, թեև առաջատարների շարք չմտան:
Մրցումների ընթացքին հետևող երևանցի մրցավար Գայանե Ներսիսյանն ասաց ,որ մրցաշարին մասնակցեցին 36 երկրների պատվիրակներ: Նրանց հետ պայքարը բավականին հարստացրեց մեր մարզուհիների մրցափորձը և դա երևաց անզեն աչքով:
Ընթացիկ մրցաշրջանը կարևոր է հատկապես նրանով, որ կվիճարկվեն օլիմպիական խաղերի ուղեգրեր: Դրանք բաժին կհասնեն Բաքվում կայանալիք Եվրոպայի / հունիսին / և աշխարհի / սեպտեմբերին / առաջնությունների հաջողակներին: Նրանց շարքում, հասկանալի պատճառներով, հավանաբար մերոնք չեն լինի:
