28.09.2026 | 16:26
Փոփոխություններ` Հայաստանի Մ-20 և Մ-21 հավաքականներում
Շուտով ՌԴ-ում կչեղարկվի հայկական վարորդական իրավունքով մեքենա վարելու արգելքը. Միքայել Մելքումյան. ՏԵՍԱՆՅՈՒԹ
Քաղաքականություն
19.02.2019 | 12:21
Շուտով Ռուսաստանում կչեղարկվի հայկական վարորդական վկայականով ավտոմեքենա վարելու արգելքը: Փետրվարի 19-ին խորհրդարանում լրագրողների հետ հանդիպման ժամանակ այս մասին հայտարարեց ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը:
Նա նշեց, որ հարցը քննարկվել է ՌԴ Պետական դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովի գլխավորած պատվիրակության այցի ժամանակ:
«Պետք է կարողանանք քննարկումներով շարժվել առաջ, որ վարորդական իրավունքերի սահմանափակումները չեղարկենք: Հիմա միայն հայկական վարորդական իրավունքով կարող ես մեքենա վարել որպես զբոսաշրջիկ, բայց աշխատանքի մեջ չես կարող վարել: Ուզում ենք հասնել նրան, որ այս արգելքը դուրս գա: Այդ օրենսդրական փոփոխությունը պետք է կատարվի ՌԴ-ում, մենք հետևելու ենք այդ գործընթացին: Քաղաքական մակարդակով որոշում կա, որ չեղյալ համարվի»,- վստահեցրեց Միքայել Մելքումյանը:
Մանրամասները՝ տեսանյութում:
Նարեկ Կիրակոսյան
