13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Արամ Ա կաթողիկոսը Տիգրան Մանսուրյանին պարգևատրել է շքանշանով
18.02.2019 | 17:21
Մեծի Տանն Կիլիկիո Արամ Ա կաթողիկոսը մեծանուն կոմպոզիտոր Տիգրան Մանսուրյանին պարգևատրել է «Ասպետի Կարգ» շքանշանով: Այս մասին տեղեկանում ենք Կիլիկիո կաթողիկոսության մամլո դիվանից:
Պարգևատրման հանդիսության ժամանակ Արամ Ա-ն նշել է, որ Տիգրան Մանսուրյանն իր ամբողջ կյանքը նվիրել է երաժշտությանը, նրա ստեղծագործությունները հնչել են Հայաստանի և համաշխարհային բեմերում:
«Ձեր ստեղծագործություններով մեր ժողովրդի զավակներին և օտարներին փոխանցել եք հայի ոգին ու ամուր հավատքը, հայի խորը տառապանքն ու հրաշափառ վերածնունդը»,- ասել է Վեհափառը՝ քաջառողջություն և նորանոր հաջողություններ մաղթելով կոմպոզիտորին:
Տիգրանը Մանսուրյանն իր հերթին շնորհակալություն է հայտնել Արամ Ա կաթողիկոսին՝ նշելով, որ այս պարգևն իրեն մղելու է նոր թափով ստեղծագործել:
