15.10.2026 | 18:23
Տեղի է ունեցել ՀՀ վարչապետի և Ֆրանկոֆոնիայի միջազգային կազմակերպության գլխավոր քարտուղարի հանդիպումը
Փհենյանը կզղջա. Թրամփը խոստացել է «առավելագույնս խստացնել» Հյուսիսային Կորեայի դեմ տնտեսական պատժամիջոցները
Քաղաքականություն
12.08.2017 | 10:40
Վաշինգտոնը դիտարկում է Հյուսիսային Կորեայի դեմ տնտեսական պատժամիջոցները խստացնելու հնարավորությունը՝ հայտարարել է ԱՄՆ նախագահ Դոնալդ Թրամփը. հայտնում է RIA Novosti-ն:
«Մենք դիտարկում ենք լրացուցիչ պատժամիջոցների հնարավորությունը շատ բարձր մակարդակով»,- ասել է Թրամփը, ապա հավելել, որ նոր պատժամիջոցները կլինեն «առավելագույնս խիստ»:
Մեկ այլ առիթով Թրամփը հայտարարել է, որ արժե՝ Հյուսիսային Կորեան դադարեցնի Խաղաղ օվկիանոսում Գուամի ռազմակայանը գրոհելու մսին ԱՄՆ-ին սպառնալուց, հակառակ դեպքում Փհենյանը կզղջա:
Այս շաբաթ ավելի վաղ հայտնի էր դարձել, որ հյուսիսկորեացի զինվորականները դիտարկում են Գուամի ամերիկյան ռազմակայանը միջին հեռահարության «Հվասոն-12» բալիստիկ հրթիռներով հարվածելու հնարավորությունը: Ընդ որում, ընդգծվել էր, որ դա կարող է իրագործվել ցանկացած պահի, երբ Հյուսիսային Կորեայի ղեկավարը նման որոշում կայացնի:
