28.09.2026 | 16:52
Վաղինակ Մարտիրոսյանը նշանակվել է ՀՀ ՔԿ նախագահի տեղակալ
Քաղաքացիները կատարել են իրենց ընտրությունը. Լենա Նազարյանը՝ Ուրցաձորի համայնքապետի մասին. ՏԵՍԱՆՅՈՒԹ
Քաղաքականություն
18.02.2019 | 12:04
Փետրվարի 17-ին հանրապետության մի շարք համայնքներում տեղի ունեցած ՏԻՄ ընտրություններին ՔՊ-ն թեկնածու չէր առաջադրել, բայց ինքնառաջադրվածներ եղել են: Փետրվարի 18-ին խորհրդարանական ճեպազրույցների ժամանակ ասաց ԱԺ փոխնախագահ Լենա Նազարյանը:
Հարցին՝ ինչպե՞ս է, որ Վայոց ձորի մարզի Ուրցաձոր համայնքում ընտրվել է այն համայնքապետը, որին իշխանությունները հեռացրել էին, Լենա Նազարյանը պատասխանեց, որ եղել են ընտրություններ, և քաղաքացին կատարել է իր ընտրությունը:
«Իմ քայլը» խմբակցության պատգամավոր Հայկ Կոնջորյանն էլ, անդրադառնալով հարցին, թե ինչո՞ւ կուսակցությունը թեկնածուներ չի առաջադրել, պատասխանեց. «Փաստացի, դա էլ տեղի է ունեցել, և կարծում եմ՝ հանրության մոտ անակնկալի էլեմենտներ կան, երբ իշխանության ներկայացուցիչները կարող են ՏԻՄ ընտրություններում պարտվել: Եվ սա խոսում է, որ կարևոր փոփոխություններ են եղել, երբ իշխանություններն ամեն ինչ իրենց ձեռքը չեն վերցնում: Սա ժողովրդավարության կարևոր ցուցիչ է»:
Մանրամաները՝ տեսանյութում:
Նարեկ Կիրակոսյան
