28.09.2026 | 16:26
Փոփոխություններ` Հայաստանի Մ-20 և Մ-21 հավաքականներում
Պետության կառավարման մոդելի փոփոխության հետ կապված քննարկումներ չենք ունեցել. Լենա Նազարյանը՝ ՀԱԿ-ին. ՏԵՍԱՆՅՈՒԹ
Քաղաքականություն
18.02.2019 | 11:44
Սահմանադրական բարեփոխումները մեր օրակարգում են, սակայն պետության կառավարման մոդելի փոփոխության հետ կապված քննարկումներ չենք ունեցել: Փետրվարի 18-ին խորհրդարանական ճեպազրույցների ժամանակ այս մասին ասաց ԱԺ փոխնախագահ, «Իմ քայլը» խմբակցության պատգամավոր Լենա Նազարյանը՝ անդրադառնալով ՀԱԿ-ի հայտարարությանը, թե մեկ տարվա ընթացքում պետք է սահմանադրական փոփոխություններ տեղի ունենան:
ՀԱԿ-ն առաջարկում է անցում կատարել կիսանախագահական կառավարման մոդելի: «Քաղաքական կարևոր որոշման մասին է խոսքը, և պետք է թիմային քննարկում ունենանք: Ես այստեղ անձնական մեկնաբանություն չէի ուզի տալ»,- ասաց Լենա Նազարյանը:
Factor.am-ի հարցին՝ արդյո՞ք անակնկալ էր, որ իրենց սատարող քաղաքական ուժն է նման հայտարարություն անում, Լենա Նազարյանը պատասխանեց. «Ցանկացած քաղաքական ուժ կարող է իր առաջարկը ներկայացնել: Ես չեմ կարծում, որ ինչ-որ ժամանակով է պայմանավորված, պարզապես իրենք իրենց քաղաքական օրակարգն են ներկայացնում: Ես ենթատեքստ չեմ տեսնում»:
Մանրամասները՝ տեսանյութում:
Նարեկ Կիրակոսյան
