16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Ռազմական համալսարանում անցկացվել են հրամանատարական հավաքներ
15.02.2019 | 21:00
ՀՀ ՊՆ-ից տեղեկացնում են, որ փետրվարի 11-ից 15-ը ՀՀ ՊՆ Վազգեն Սարգսյանի անվան ռազմական համալսարանում անցկացվել են առաջին խմբի սպայական կազմի հրամանատարական հավաքներ:
Հավաքների մասնակիցներն ունկդրել են զեկույցներ զինված ուժերի կրթական համակարգում հեռավար ուսուցման ներդրման հեռանկարների, Հայաստանում ՆԱՏՕ-ի սոցիալական եւ կրթական ծրագրերի, ռազմարդյունաբերության զարգացման ուղիների և ՀՀ զինված ուժերի զարգացման հարցում այդ ոլորտի ունեցած դերի վերաբերյալ:
Ռազմական համալսարանի պետի պաշտոնակատար, գնդապետ Խաչատուր Խաչատրյանը ներկայացրել է առաջարկություններ բարձրագույն ռազմական ուսումնական հաստատության գործունեությունը բարելավելու վերաբերյալ:
Հավաքների ընթացքում Վազգեն Սարգսյանի անվան ռազմական համալսարանի դասախոսները սպայական կազմին են ցուցադրել էլեկտրոնային եղանակով ուսումնական պարապմունքների անցկացման օրինակելի տարբերակներ:
