20.05.2026 | 22:49
ՌԴ-ն ուզում է ՀՀ-ում իրավիճակը լարվի, որ իր ազդեցությունը հետ վերադարձնի․ Արամ Սարգսյան. ՏԵՍԱՆՅՈՒԹ
Մխիթար Հայրապետյանը հինգ օրով կմեկնի Լոս Անջելես
15.02.2019 | 17:38
Ազգային ժողովի «Իմ քայլը» խմբակցության պատգամավոր, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը առաջիկայում մեկնելու է Ամերիկայի Միացյալ Նահանգներ:
Տեղեկությունը Factor.am-ի հետ զրույցում հաստատեցին նաև նրա ղեկավարած հանձնաժողովից: «Պետք է մեկնի Մելքոնյան համաշխարհային նախաձեռնության ծրագրով: Նրան հրավիրում է նախաձեռնող կողմը: Քանի որ հանձնաժողովի գործառույթների մեջ մտնում է սփյուռքը, երիտասարդությունը և մշակույթը, նախաձեռնողները ցանկացել են, որ ներկա լինի հենց հանձնաժողովի նախագահը»:
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովից տեղեկացրին նաև, որ միջոցառումը տեղի է ունենալու Լոս Անջելեսում և տևելու է հինգ օր: «Պաշտոնական պատվիրակություն որպես այդպիսին չկա, ԱԺ-ից միայն Մխիթար Հայրապետյանն է գնալու»,- եզրափակեցին հանձնաժողովից:
Նարեկ Կիրակոսյան
