14.12.2025 | 10:10
Ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ․ ՆԳՆ
Կառավարությունը 13910.0 հազար դրամ հատկացրեց Մշակույթի նախարարությանը
Մշակույթ
15.02.2019 | 15:14
Կառավարությունը 13910.0 հազար դրամ հատկացրեց Մշակույթի նախարարությանը, որը նախատեսված է Եղիշե Չարենցի անվան գրականության և արվեստի թանգարանին տրամադրելու համար։ Գումարի հատկացման նպատակը Հովհաննես Թումանյանի ծննդյան 150-ամյակի հոբելյանական միջոցառումների իրականացումն է։
Համապատասխան որոշման նախագիծն ընդգրկված էր Կառավարության փետրվարի 15-ի նիստի օրակարգում, չզեկուցվող հարցերի օրակարգում։
«Հովհաննես Թումանյանի ծննդյան 150-ամյակի հոբելյանական միջոցառման մեկնարկի իրականացման նպատակով «Եղիշե Չարենցի անվան գրականության և արվեստի թանգարան » պետական ոչ առևտարային կազմակերպությանը որպես նվիրաբերություն տրամադրելու համար Հայաստանի Հանրապետության մշակույթի նախարարությանը 2019 թվականի առաջին եռամսյակում հատկացնել 13910.0 հազար դրամ` Հայաստանի Հանրապետության 2019 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին»,-ասված է Կառավարության ընդունած որոշման նախագծում։
