30.05.2026 | 17:38
ՆԱՏՕ-ի ԽՎ գարնանային նստաշրջանը մեկնարկել է Վիլնյուսում․ մասնակցում է նաև ՀՀ պատվիրակությունը
Սիրիա մարդասիրական առաքելություն ուղարկելը համաձայնեցված էր եղել դեռևս Սերժ Սարգսյանի կողմից․ Նիկոլայ Սիլաև․ «Ժողովուրդ»
Քաղաքականություն
15.02.2019 | 09:44
«Ժողովուրդ» թերթը գրում է․
«Հատկապես նախկին իշխանության ՀՀԿ ներկայացուցիչները բավական կոշտ քննադատեցին կառավարությանը Սիրիա մարդասիրական առաքելություն ուղարկելու համար: Նրանք պահանջում էին ներկայացնել իրավական հիմնավորումները՝ փաստաթղթերը, որոնց հիման վրա ուղարկվել է այն:
Սակայն «Ժողովուրդ» օրաթերթի հետ զրույցում Կովկասի և տարածաշրջանային անվտանգության կենտրոնի ավագ գիտաշխատող, «Կովկասյան համագործակցություն» ընկերության տնօրեն Նիկոլայ Սիլաևն ուշագրավ մանրամասներ է ներկայացրել` ընդգծելով, որ այդ մասին պայմանավորվածությունը ձեռք է բերվել դեռ Սերժ Սարգսյանի իշխանության ժամանակ, և Փաշինյանի կառավարությունն ընդամենը չի հրաժարվել դրանից:
«Այդ առաքելությունը, որքան ինձ հայտնի է, համաձայնեցված էր եղել դեռևս Սերժ Սարգսյանի կողմից, իսկ Նիկոլ Փաշինյանը դրանից չի հրաժարվել, դեռ ավելին` առաջինն է հայտարարել այն մասին, որ այդ առաքելությունը պատրաստվում է»,- ասել է նա։
Առավել մանրամասն՝ թերթի այսօրվա համարում:
