15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Բելառուսը հույս ունի, որ հայկական կողմն առաջիկայում կհայտնի Զասի հետ հանդիպման ժամկետները
Քաղաքականություն
14.02.2019 | 13:31
Բելառուսը հույս ունի, որ հայկական կողմն առաջիկայում կհայտնի Անվտանգության խորհրդի պետքարտուղար, ՀԱՊԿ գլխավոր քարտուղարի թեկնածու Ալեքսանդր Զասի հետ հանդիպման ժամկետները: Լրագրողներին այս մասին ասել է Բելառուսի ԱԳՆ մամուլի քարտուղար Անատոլի Գլազը, գրում է ԲԵԼՏԱ-ն:
Նա հիշեցրել է, որ Ստանիսլավ Զասն արդեն հանդիպել է ՀԱՊԿ անդամ 5 պետությունների ղեկավարների հետ, որոնք սատարել են նրա թեկնածությունը՝ հավելելով, որ, «ինչպես հայտնի է, Հայաստանը ցանկանում է մինչև 2020թ. պահպանել ՀԱՊԿ գլխավոր քարտուղարի պաշտոնը»:
«ՀԱՊԿ-ն արդեն երկար ժամանակ աշխատում է առանց գլխավոր քարտուղարի: Ստեղծված իրավիճակն օգուտ չէ կազմակերպության համար և արագ լուծում է պահանջում: Առավել ևս, որ Աստանայում և Սանկտ Պետերբուրգում հանդիպումների ժամանակ ՀԱՊԿ պետությունների ղեկավարները հանդես են եկել Բելառուսի թեկնածուի օգտին»,- հավելել է Անատոլի Գլազը:
Նրա փոխանցմամբ՝ Ստանիսլավ Զասին գլխավոր քարտուղարի պաշտոնում նշանակելու համար անհրաժեշտ որոշումների նախագծերն արդեն պատրաստ են: «Ստանիսլավ Զասը հինգ մայրաքաղաքներում արդեն հանդիպել է պետությունների ղեկավարների հետ: Հաշվի առնելով, որ անցյալ տարվա դեկտեմբերին Հայաստանում խորհրդարանական ընտրություններ էին, իսկ հետո կառավարություն էր ձևավորվում, մենք ըմբռնումով մոտեցանք նրան, որ Հայաստանի վարչապետը հնարավորություն չուներ հանդիպել Բելառուսի թեկնածուին: Հիմա այդ շրջանն ավարտվել է: Այդ պատճառով մենք ակնկալում ենք, որ հայկական կողմն առաջիկայում կհայտնի այդ հանդիպման ժամկետի մասին»,- նշել է Անատոլի Գլազը:
Բելառուսի ԱԳՆ ներկայացուցիչը նաև ընդգծել է, որ Մինսկը Երևանի հետ կառուցողական փոխգործակցության հույս ունի:
