28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
Ճիշտ է անում վարչապետը․ Արարատ Միրզոյանի ելույթն արժանացավ ծափերի. ՏԵՍԱՆՅՈՒԹ
Քաղաքականություն
14.02.2019 | 13:11
Ազգային ժողովում կառավարության ծրագրի վերաբերյալ ելույթների ընթացքում արտահերթ ելույթով հանդես եկավ ԱԺ նախագահ Արարատ Միրզոյանը՝ նշելով, որ իր ելույթը վերնագրում է «Ջրամբարների, քաղաքացիների և Էդմոն Մարուքյանի մասին»:
«Կառավարության ծրագրում գրված է, որ կառավարությունը նախատեսում է կառուցել ջրամբարներ: Մեր գործընկերները մեզ հարցնում են՝ ո՞ւր են ձեր թվերը, որտե՞ղ, ի՞նչ ժամկետներում և քանի՞ ջրամբար եք կառուցելու: Այս հարցերի պատասխաններն, այո՛, ծրագրում չկան, բայց այդ ջրամբարները կառուցվելու են»,- շեշտեց ԱԺ նախագահը:
Ըստ նրա՝ կառավարության ներկայացրած ծրագիրը կիրականանա, եթե կառավարությանը հաջողվի արթնացնել քաղաքացիների հավատը, գիտակցությունը, և մասնակցությունը:
«Ճիշտ է անում վարչապետը, երբ ասում է, որ զարգացման ճանապարհին մենք կարող ենք կանգնել և այս ծրագիրը կիրականանա միայն մեկ դեպքում, երբ կառավարությանը հաջողվի արթնացնել քաղաքացիների հավատը, գիտակցությունը, և մասնակցությունը: Այդ դեպքում կապահովվի քաղաքացիների հաղթանակը: Սա կառավարության միակ և լրջագույն մարտահրավերն է: Կհաջողվի կառավարությանը ապահովել սա՝ կհաջողվի ծրագիրը, կկառուցվեն այդ ջրամբարները, և թոշակները կբարձրանան: Չի հաջողվի, ուրեմն ծրագիրը չի իրականանա»,- ասաց Միրզոյանը:
Մանրամասները՝ տեսանյութում:
