11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Հաճույք չենք զգում աշխատանքից, դահլիճում տխուր է անցնում. Վարազդատ Կարապետյան. ՏԵՍԱՆՅՈՒԹ
Տեսանյութեր
13.02.2019 | 17:27
Ազգային ժողովի «Իմ քայլը» խմբակցության պատգամավոր Վարազդատ Կարապետյանն այսօր Ազգային ժողովում ասաց, որ պետք է նախ հստակ տալ սահմանումը, թե ո՞րն է համարվում տնտեսական հեղափոխություն, քանի որ այն տարբեր մարդիկ կարող են տարբեր ձևով ընկալել:
«Հայաստանում բացառիկ հնարավորություն ունենք՝ մարդկային ստեղծարար ուժը դարձնել տնտեսական աճի հիմնական գործոն: Մենք հստակ հայտարարում ենք, որ Հայաստանում ոչ թե կապիտալն է տնտեսական աճի շարժիչ ուժը, այլ մարդկային ստեղծարար ուժը: Հենց այստեղ է հեղափոխությունը»,- ասաց նա:
Ըստ պատգամավորի՝ պետք է հասնել նրան, որ յուրաքանչյուր ոք իր աշխատանքից հաճույք ստանա. «Պետք է ցույց տալ՝ ինչպես անել, որ մարդիկ ավելի լավ, ավելի շատ աշխատեն մեր երկրում, զգան իրենց այդ աշխատանքի մեջ, սիրեն այդ աշխատանքը, մենք էլ՝ մեր աշխատանքը: Մեր դահլիճում տխուր է անցնում օրը, եթե նկատել եք: Ժպիտ չկա, դա նշանակում է, որ մենք էլ մեր աշխատանքից հաճույք չենք ստանում: Մենք մեր աշխատանքից պետք է սկսենք հաճույք ստանալ: Իհարկե՝ այստեղ լուսամուտներ չկան, բայց պետք է սկսենք կոտրել այս իրավիճակը և դուրս գալ այս իրավիճակից»:
Կարապետյանի խոսքով՝ պետք է ժպիտով խոսել ժողովրդի հետ, ժպիտով ներկայացնել ծրագրի էությունը:
Մանրամասները՝ տեսանյութում։
