28.09.2026 | 13:50
ԵԽԽՎ-ն քննարկում է ՀՀ ԱԺ ընտրությունները․ արտաքին ճնշումից մինչև ԿԸՀ որոշումներ․ ՈւՂԻՂ
Չեմ մեկնաբանի Մարուքյանի ասածը, որ իր համար լավ ավանդույթ էր Հովիկ Աբրահամյանի աշխատաոճը. Ալեն Սիմոնյան. ՏԵՍԱՆՅՈՒԹ
Քաղաքականություն
13.02.2019 | 15:55
Կառավարությունը մեր կուսակցության Կառավարությունն է, և ակնհայտ է, որ մենք կողմ կքվեարկենք: Այս մասին ԱԺ-ում լրագրողների հետ զրույցում հայտարարեց ԱԺ փոխնախագահ, «Իմ քայլը» խմբակցության պատգամավոր Ալեն Սիմոնյանը:
«Կասկած չունեմ, որ ես և գործընկերներս կիսում ենք այն տեսլականը, որ ներկայացված է ծրագրում»,- հավելեց նա:
Դիտարկմանը, թե ընդդիմադիրները հայտարարում են, որ կառավարության ծրագիրը զգուշավոր է, բացի այդ՝ Էդմոն Մարուքյանը հայտարում է, որ նախապես՝ մինչ լիագումար նիստերի օրակարգ մտնելը ծրագիրն իրենց հետ ծրագիրը չի քննարկվել, Ալեն Սիմոնյանը պատասխանեց. «Դահլիճում քննարկում չէ՞: Սա է քննարկումը: Նախնական ինչո՞ւ պետք է Կառավարությունը քննարկի, թող Կառավարության մաս դառնան, քննարկեն»:
Լրագրողի հստակեցմանը, թե Մարուքյանն ասել է, որ անգամ Հովիկ Աբրահամյանի Կառավարությունն է նախապես խմբակցությունների հետ քննարկել ծրագիրը, Սիմոնյանն արձագանքեց. «Ես չեմ ուզում մեկնաբանել պարոն Մարուքյանի ասածը, որ իր համար լավ ավանդույթ էր Հովիկ Աբրահամյան վարչապետի աշխատաոճը: Ես կարող եմ ասել, որ քննարկումը հենց սա է»:
Մանրամասները՝ տեսանյութում:
