18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Լավ տղերքով ու ախպերներով հավաքվել ու որոշել են մի բան անեն մեր երկրում․ Փաշինյան. ՏԵՍԱՆՅՈՒԹ
Քաղաքականություն
13.02.2019 | 10:58
Ազգային ժողովի ԲՀԿ խմբակցության պատգամավոր Սերգեյ Բագրատյանը վարչապետ Նիկոլ Փաշինյանին հարց ուղղելուց առաջ հիշեց՝ «հաղթանակն ունի բազմաթիվ տերեր, պարտությունը որբ է ու անտեր» և շարունակեց, եթե Կառավարությունը հաջողի, հաղթանակը բոլորինն է լինելու, իսկ պարտության պատասխանատուն լինելու է միայն վարչապետը, հետևաբար, տնտեսական հեղափոխության պարագայում խիստ ռիսկային են խաղի ոչ հստակ կանոնները։
Ըստ ԲՀԿ-ական պատգամավորի՝ հեղափոխական իշխանության պարագայում անհասկանալի է՝ Կառավարության ծրագրում նշված առնվազն 5 տոկոսանոց տնտեսական աճը։ «Կցանկանայի՝ տնտեսական հեղափոխության պարագայում Կառավարության ագրեսիվ տնտեսական քաղաքականություն տեսնել»,- նկատեց Բագրատյանը։
Անդրադառնալով պատգամավորի մտահոգություններին՝ վարչապետ Նիկոլ Փաշինյանը նշեց, որ իր ղեկավարած Կառավարությունը ոչ միայն խոսում է այդ տնտեսական հեղափոխության մասին, այլ նաև ցույց է տալիս դրան հասնելու ուղղությունները։ «Օրինակՙ գյուղատնտեսության ոլորտում մենք ասում ենք, որ մեր անասնապահությունը պետք է հիմնված լինի արտահանման տրամաբանության վրա, որովհետև շուկան անսահմանափակ է և, հետևաբար, պետք է հասկանալ, թե անասնապահության ո՞ր ճյուղով մենք կարող ենք մրցունակ լինել։ Օրինակ՝ այսօր ոչխարաբուծությունը շատ մրցունակ է։ ԵՏՄ-ն հիմա նաև Իրանի հետ ազատ առտևտրի հետ պայմանագիր է կնքել մասնավոր ընկերությունների հետ և աշխատում ենք դեպի Մերձավոր Արևելք ոչխարի մսի արտահանման համար»,- ասաց Փաշինյանը։
Խոսեով նախորդ իշխանության ժամանակ Հայաստանում իրականացվող ներդրումային ծրագերի մասին՝ վարչապետը մասնավորեցրեց․ «Մինչև հիմա ներդրում ասելով ի՞նչ է հասկացել Ազգային ժողովը։ Կներեք, որպեսզի այս թեման փակվի, ես պետք է ասեմ։ Հավաքվել են լավ տղերքը ու ասել՝ իրենք բոլորը լավ տղերք են, ունեն լավ ախպերներ ու ախպոր ախպերներ։ Հիմա ներդրումները ո՞նց են բերելու Հայաստան, պետք է ամեն մեկն ասի իր ախպորը, նա էլ իր ախպորը։ Հայաստանի ամբողջ տնտեսությունը կամ ախպեր ա, կամ ախպոր ախպեր ա, կամ ախպոր ախպոր ախպեր ա»։
Մանրամասները՝ տեսանյութում։
Աղավնի Սուքիասյան
