Քաղաքականություն
12.02.2019 | 10:262018 թվականի դեկտեմբերի 9-ին տեղի ունեցած արտահերթ խորհրդարանական ընտրությունները բացառիկ էին Հայաստանի երրորդ Հանրապետության պատմության մեջ, որովհետև միջազգային հանրության կողմից գնահատվեցին որպես ազատ, արդար, մրցակցային և թափանցիկ: ՀՀ Ազգային ժողովի փետրվարի 12-ի նիստում այս մասին ասաց վարչապետ Նիկոլ Փաշինյանը՝ պատգամավորներին շնորհավորելով ընտրվելու կապակցությամբ ու բեղմնավոր և առաքինի ծառայություն մաղթելով:
«Դեկտեմբերի 9-ի ընտրություններն առաջինն էին Հայաստանի երրորդ Հանրապետության պատմության մեջ, որոնց արդյունքները չվիճարկվեցին ո՛չ Սահմանադրական դատարանում, ո՛չ էլ հանրայնորեն։ Հետևաբար՝ ունենք լեգիտիմության աննախադեպ բարձր աստիճան ունեցող խորհրդարան և կառավարություն»,- ասաց Փաշինյանը:
Վարչապետի խոսքով՝ Հայաստանում հաստատված քաղաքական համակարգը, սակայն, դեռ անթերի չէ և բարեփոխումների կարիք ունի:
«Մեզ մնում է մեր հայրենիքն ազատել քրեաօլիգարխիկ և կոռուպցիոն կառավարման վերջին բացիլներից»,- ընդգծեց Նիկոլ Փաշինյանը։
Մանրամասները՝ տեսանյութում:
Նելլի Մելքոնյան
