11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ՀՌՀ մրցութային հանձնաժողովի կազմավորման փուլում խնդիրներ առաջացան, որոնք լուրջ մտահոգում են. Աշոտ Մելիքյան
Տեսանյութեր
11.02.2019 | 15:55
Հանրային հեռուստառադիընկերության խորհրդում թափուր տեղերի թեկնածուների ընտրության համար մրցութային հանձնաժողովի կազմավորման փուլում խնդիրներ են առաջացել: Փետրվարի 11-ին հրավիրված ասուլիսում ասաց Խոսքի ազատության պաշտպանության կոմիտեի նախագահ Աշոտ Մելիքյանը՝ հավելելով, որ դա լուրջ մտահոգում են:
Աշոտ Մելիքյանը հիշեցրեց, որ Հանրային հեռուստառադիոընկերւթյան խորհրդում թափուր տեղ է առաջանալու. լրանում է խորհրդի նախագահ Ռուբեն Ջաղինյանի պաշտոնավարման ժամկետը:
«Հեռուստատեսության և ռադիոյի հանձնաժողովը դեռ ամռանը գործընթաց սկսեց, որպեսզի այդ տեղի համար մրցույթ անցկացնելու նպատակով մրցութային հանձնաժողով ստեղծելիս այնտեղ ներգրավվեն և՛ պետական մարմինների, և՛ հասարակական կազմակերպությունների ներկայացուցիչներ: Ընդ որում՝ մրցութային հանձնաժողովը ստեղծվում է 6 տարի ժամկետով, որ երբ թափուր տեղեր առաջանան Հանրային հեռուստառադիոընկերության խորհրդում, անցկացվի մրցույթ: Հիմա այդ հանձնաժողովի կազմավորման փուլում որոշակի խնդիրներ են առաջացել, որոնք մեզ լուրջ մտահոգում են»,- նշեց նա:
ԽԱՊԿ նախագահի խոսքով՝ լրագրողական կազմակերպությունների կողմից կոնսենսուսով մրցութային հանձնաժողովի անդամ է ընտրվել Լևոն Բարսեղյանը, իսկ մյուս ներկայացուցիչը պետք է լիներ ստեղծագործական միությունների կողմից, այդ թվում՝ Ժուռնալիստների միության:
«Այստեղ հենց սկսվում է ամենահետաքրքիրը: Վերջերս մամուլում հրապարակվեցին լուրեր, որտեղ նշվում է, որ ստեղծագործական միությունների մի շարք ղեկավարներ տեղյակ չեն եղել այդ գործընթացից: Ավելին, ոմանք ասում են, որ իրենք անձամբ դեմ չէին լինի ներառվել այդ մրցութային հանձնաժողովում, քանի որ կարևորում են նրա գործունեությունը և Հանրային հեռուստառադիոընկերության խորհրդում նոր անդամ ընտրելու գործընթացը: Փաստորեն, ստացվում է, որ այստեղ լուրջ խնդիր կա»,- նշեց Աշոտ Մելիքյանը:
Մանրամասները՝ տեսանյութում:
