08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
«Սպիտակ» ֆիլմը Վյաչեսլավ Տիխոնովի անվան փառատոնում լավագույնն է ճանաչվել
11.02.2019 | 11:45
Ռեժիսոր Ալեքսանդր Կոտի «Սպիտակ» ֆիլմը դերասան Վյաչեսլավ Տիխոնովի անվան «17 ակնթարթ» երրորդ միջազգային փառատոնում գլխավոր մրցանակին է արժանացել. հայտնում է ՏԱՍՍ-ը։
«Սպիտակ» ֆիլմը մրցանակ է ստացել նաև լավագույն ռեժիսորական աշխատանքի համար, իսկ ֆիլմի երաժշտության հեղինակ Սերժ Թանկյանը մրցանակի է արժանացել լավագույն կոմպոզիտորական աշխատանք անվանակարգում։
Փառատոնին յոթ երկրից տասական ֆիլմ և սերիալ էր առաջադրվել։
Հիշեցնենք, որ Լեռնիկ Հարությունյանի, Հերմինե Ստեփանյանի, Ալեքսանդր Պոլիտիկի և այլոց մասնակցությամբ «Սպիտակ»-ում ներկայացվում է 1988-ի դեկտեմբերի 7-ին տեղի ունեցած ավերիչ երկրաշարժը, որը 25 հազար կյանք խլեց։
Նելլի Մելքոնյան
