08.08.2026 | 16:59
Վանաձորում, Հրազդանում և Արարատում փոշու պարունակությունը գերազանցել է թույլատրելի սահմանը
Պենտագոնի որոշմամբ զորքերը երեք ամսում Սիրիայից դուրս կբերվեն
Քաղաքականություն
08.02.2019 | 13:37
Ամերիկյան զորքերը մինչև ապրիլի վերջ պետք է ամբողջությամբ դուրս բերվեն Սիրիայի տարածքից․ հայտնում է rbc.ru-ն։ Բացի այդ, Վաշինգտոնում մտադիր են վերջնականապես լուծել քրդերին Թուրքիայի հնարավոր հարձակումից պաշտպանելու հարցը։
Սիրիայից ամերիկյան զորախմբերի դուրսբերումը նախատեսվում է սկսել մոտակա շաբաթներին՝ «Իսլամական պետության» զինյալների վերջին դիմադրությունները ճնշելուց հետո։
Զորքերի ամբողջական դուրսբերումը, ըստ ԱՄՆ պաշտպանության նախարարության նախահաշվարկի, ապրիլի վերջին կլինի, այդուհանդերձ՝ հստակ ժամկետներ չեն նշում։
Վաշինգտոնում հույս են հայտնում, որ մինչ այդ դիվանագետներին կհաջողվի Անկարայի հետ պայմանավորվածություն ձեռք բերել այն մասին, որ թուրքական ռազմական ուժերը չներխուժեն Սիրիայի՝ քրդերի հսկողության տակ գտնվող հյուսիս-արևելյան տարածքներ։ Հարցի շուրջ առայժմ նշանակալի առաջընթաց չի գրանցվել, ինչը նշանակում է, որ չի բացառվում՝ գործընթացը դանդաղի։
Հիշեցնենք, որ Սիրիայից ամերիկյան զորքերի դուրսբերման մասին ԱՄՆ նախագահ Դոնալդ Թրամփը 2018 թվականի դեկտեմբերին էր հայտարարել՝ ընդգծելով, որ տարածաշրջանում հիմնական առաքելությունն իրականացված է։ Արդեն հունվարին հայտարարությամբ հանդես էր եկել նաև պաշտպանության նախարարի պաշտոնակատար Պատրիկ Շանահանը, որը խոստացել էր մի քանի շաբաթվա ընթացքում Սիրիան ամբողջությամբ ազատագրել «Իսլամական պետության» անդամներից։
Նախօրեին նաև Ռուսաստանի Պաշտպանության նախարարությունն էր պահանջել էր «վերացնել Սիրիայում ԱՄՆ զորքերի ապօրինի ներկայությունը»։
Նելլի Մելքոնյան
