30.05.2026 | 13:56
Նավթի գները նվազել են
ԱԺ Եվրոպական ինտեգրման հարցերի հանձնաժողովի փոխնախագահ ընտրվեց ԼՀԿ-ական Կարեն Սիմոնյանը
Քաղաքականություն
08.02.2019 | 10:50
Ազգային ժողովում այսօր՝ փետրվարի 8-ին, տեղի ունեցավ Եվրոպական ինտեգրման հարցերի հանձնաժողովի առաջին նիստը, որն արտահերթ էր։
Նիստի օրակարգում էին ընդգրկված հանձնաժողովի նախագահի տեղակալի ընտրության, ինչպես նաև՝ հանձնաժողովի աշխատակարգը հաստատելու մասին հարցերը։
Հանձնաժողովի նախագահի տեղակալի պաշտոնում առաջդրվել էր ԱԺ «Լուսավոր Հայաստան» խմբակցության պատգամավոր Կարեն Սիմոնյանի թեկնածությունը։
«Կփորձենք խորհրդարանական դիվանագիտության բոլոր հնարավոր տարբերակներն օգտագործել առաջին հերթին բարելավվելու ԵՄ-ի հետ հարաբերությունները, դրանք հասցնելու ռազմավարության գործընկերության մակարդակի, ինչպես նաև ազդելու ՀՀ-ԵՄ համաձայնագրի վավերացման վրա»,- ասաց Սիմոնյանը։
ԱԺ «Իմ քայլը» խմբակցության պատգամավոր Գայանե Աբրահամյանը թեկնածուից հետաքրքրվեց, թե ինչ տեսլական ունի Կարեն Սիմոնյանն այս հանձնաժողովի աշխատանքների վերաբերյալ։
Հարցին ի պատասխան՝ թեկնածու նշեց․ «Հանձնաժողովի և՛ տեղակալը, և՛ փոխնախագահն ունեն համակարգողի և կազմակերպչի գործառույթներ, ուստի մենք միասին պետք է մշակենք մեր գործողությունները։ Առաջինը կարող ենք օգտագործել այլ խորհրդարանների հետ կապերը, արագացնել CEPA-ի վավերացումը, ինչպես նաև իրականացնել միջոցառումներ՝ մինչ CEPA-ի-ուժի մեջ մտնելը»։
ԱԺ Եվրոպական ինտեգրման հարցերի հանձնաժողովի բոլոր տասը անդամները միաձայն կողմ քվերակեցին Կարեն Սիմոնյանի թեկնածությանը։
Հաստատվեց նաև Եվրոպական ինտեգրման հարցերի հանձնաժողովի աշխատակարգը։
Աղավնի Սուքիասյան
